أعز الناس

أعز إنسان ))

صوّت حبيبي وقبل أقول ياعونك
شكا جروحه ورحت اشكي له اطعوني
يقول ما اقدر أعيش اليوم من دونك
وأقول حتى ولو ماعشت من دوني
يمكن أنا أكون اعز إنسان فعيونك
بس انت والله كل الناس فعيوني
لاصرت ربعي .. وداري فيّة اجفونك
وش دخّل الناس خل الناس يجفوني
يكفيني إن انت لامن قلت وشلونك
تطيب كل الجروح ويختلف لوني
وان كان منت بمصدقني على هونك
تعال طالع دروبك وين ودوني
اصبحت اجامل عداي اللي يحبونك
واكره مشاهد عداك اللي يحبوني
ومن كثر ما أحب واكره عنك واصونك
اصبحت دفتر مشاعر وأنت مضموني
إن غبت عني شعرت بلذة طعونك
وان شفت زولك شعرت بقيمة عيوني